Pajisjet ku mund të lexohet libri
Përmbledhja
MOS MË THUAJ «BURRI IM»
Si të krijojmë një NE të vërtetë në martesë
Po sikur në martesën tënde të mos mungojë dashuria, por diçka që nuk e ke ditur kurrë si ta emërtosh?
Mund të jeni të lumtur. Të doni njëri-tjetrin. Të jeni besnikë, të kujdesshëm, të përgjegjshëm. Të keni ndërtuar një familje dhe një jetë që, nga jashtë, duket se ka gjithçka.
Por a mjafton kjo për të thënë se keni krijuar një NE?
A mund të bësh gjithçka për njeriun që do, por të harrosh ta përfshish në mënyrën si mendon?
A mund të marrësh vendime me qëllimet më të mira dhe, pa e kuptuar, ta lësh jashtë personin me të cilin ndan pasojat?
Dhe a mund të ndihesh i dashur, por jo gjithmonë i përfshirë?
Ky libër ngre pyetje që ndoshta nuk ia ke bërë kurrë vetes.
Jo për të të treguar nëse martesa jote është e mirë apo e keqe.
Jo për të të mësuar si ta ndryshosh bashkëshortin.
Por për të të ftuar të zbulosh një dimension të martesës që mund të mbetet i padukshëm edhe pas shumë vitesh bashkëjetese.
Sepse UNË dhe TI nuk bëhen automatikisht NE vetëm sepse martohen.
Dhe ndoshta pyetja më e rëndësishme nuk është sa shumë e do partnerin, por çfarë vendi ka ai në mendimet dhe vendimet e tua.
Pse atëherë titulli «Mos më thuaj ‘Burri im’»?
Sepse një emër mund të tregojë lidhjen që kemi në letër, por jo domosdoshmërisht atë që kemi ndërtuar brenda njëri-tjetrit.
Ekziston një emër që na e jep martesa.
Por a ekziston edhe një emër që mund të na e japë vetëm NE-ja jonë?
Për ta zbuluar, duhet të shohësh martesën nga një këndvështrim që ndoshta nuk e ke provuar më parë.
Dhe mund të ndodhë që, pasi ta mbyllësh këtë libër, një vendim që dikur do ta merrje pa u menduar dy herë, të mos të duket më aq i thjeshtë.
Vlerësime
Lini përshtypjen tuaj
Libra të ngjashëm me "Mos më thuaj "Burri im""
Shpërndaje në: